Најголемите британски компании не планираат наскоро да ги вратат вработените во канцеларија

Многу компании, особено во банкарскиот и финансискиот сектор, нудат избор и флексибилност на вработените во случај да сакаат да се вратат во канцелариите.

Педесете најголеми работодавачи во Велика Британија немаат намера да ги вратат сите свои вработени со полно работно време во канцелариите во блиска иднина, покажа неодамнешно истражување.

Во своето истражување, со кое се опфатени од банки до трговски друштва, Би Би Си ги праша кога имаат намера да ги вратат своите вработени во канцелариите.

Од вкупниот број работодавачи опфатени со истражувањето, 24 компании немаат намера да ги вратат вработените во канцелариите, додека 20 компании ги отворија своите канцеларии за вработените кои немаат услови да работат од дома.

Една од главните причини за одложување на нивното враќање во канцелариите е тоа што компаниите не наоѓаат начин да примат голем број на вработени додека ги почитуваат пропишаните мерки за задолжително физичко растојание.

Многу компании, особено во банкарскиот и финансискиот сектор, нудат избор и флексибилност на вработените во случај да сакаат да се вратат во канцелариите.

Неколку компании веќе објавија дека немаат намера да се вратат во канцелариите до доцна есен, додека Фејсбук соопшти дека нема планови да ги врати своите вработени до јули 2021 година. Некои помали компании, од друга страна, решија во целост да ги напуштат канцелариите.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот