Најголемиот боксерски спектакл е закажан за 14 август: Едвај чекам да го уништам Џошуа
Британскиот боксер Тајсон Фјури објави дека неговиот меч со сонародникот Ентони Џошуа ќе се одржи на 14 август во Саудиска Арабија.
Се очекува ова да биде еден од најголемите бокс мечеви во последните 20-тина години бидејќи победникот ќе стане апсолутен шампион. Џошуа моментно е шампион во ВБА, ВБО и ИБФ верзиите, додека шампионскиот појас во ВБЦ верзијата е во сопственост на Фјури.
– Сите очи ќе бидат вперени во Саудиска Арабија. Не можам да дочекам да го уништам Ентони Џошуа. Ова ќе биде најголем спортски настан во историјата. Немојте да го пропуштите – изјави Фјури во видео кое го објави на својот Твитер профил.
“massive announcement” FURY VS JOSHUA IS ON AUGUST 14 in The kingdom of Saudi Arabia. The worlds biggest sporting event all eyes on us. @SCEEKSA @gsaksa_en @trboxing @mtkglobal @frankwarren_tv @marbella @wowhydrate #LETTHEGAMESBEGIN #saudiarabia #TYSONOFARABIA pic.twitter.com/ZKIAXLictV
— TYSON FURY (@Tyson_Fury) May 16, 2021
Плановите и преговорите за боксерскиот спектакл се прават уште од февруари минатата година кога Фјури го нокаутира Деонтеј Вајлдер во мечот за шампионскиот појас во ВБЦ верзијата, додека Џошуа го совлада Енди Руиз јуниор. Засега промотерите на двајцата боксери, Боб Арум и Еди Херн се уште не ја потврдија борбата, но англиските медиуми тврдат дека се е договорено и во најскоро време ќе има и официјална потврда за мечот/
Последен апсолутен шампион во тешка категорија беше Британецот Ленокс Луис и тоа во време од 1999 до 2000 година.