Кина јавува за 42 нови случаи што е најголем дневен пораст на случаи во повеќе од два месеци.

До зголемен број на случаи доаѓа по ширењето на заразата во регионот на северозападен Синџијанг, јавуваат здравствените власти на таа земја.

Од овие случаи, 22 се асимптоматски, а сите се од Кашгар во регионот Синџијанг.

Дневниот раст на случаи е најголем откако уште во август се пријавени 44 случаи. Од регионот Кашгар порачуваат дека тестирањето на 4,75 милиони луѓе од регионот е завршено вчера, и дека е потврдено дека вкупно 183 се заразени.

Случаите се поврзуваат со една фабрика, иако уште не е целосно јасно како почнала инфекцијата.

Вкупниот број на потврдени случаи сега е на 85.868, а вкупно се забележани 4.634 смртни случаи од почетокот на епидемијата.