Секој од нас има различни ставови за воспитувањето и одгледувањето деца, но вашиот хороскопски знак дефинитивно може да ви каже каква мајка ќе бидете.

Ако припаѓате на некој од издвоените хороскопски знаци, знајте дека вашите деца ќе бидат среќни што токму вас ќе ве имаат за свој заштитник и водич низ животот – бидејќи тие знаат како!

Овен

Енергична, храбра и заштитнички настроена. Мајката Овен, пред сè, ги учи своите деца да бидат храбри и независни.

Таа е како карпа, стои зад нив и ги турка напред. Нејзината енергија е совршена, таа секогаш може сè и затоа децата ја обожаваат.

Таа никогаш не се поставува како авторитет, туку на децата им приоѓа со голема почит и секоја нивна идеја ја претвора во реалност.

Таа дава сè, но за возврат бара ред, работа и дисциплина. Со децата гради пријателски однос, но секогаш се знае која е мајката, а кои се деца. Таа совршено ја чувствува и балансира таа тенка линија.

Лав

Лавиците се неприкосновени мајки. Нејзините „лавчиња“ се нејзиното срце, душа и тело. Таа е исклучително заштитнички настроена кон својот „чопор“.

Ако некој воопшто помисли да го загрози нејзиното гнездо, настапува вистинска лавовска борба, каде таа сигурно ќе излезе како победник.

Како мајка е нежна и грижлива, совршено ги чувствува своите деца и ќе направи сè за да им овозможи удобен и безгрижен живот. Дури и кога ќе пораснат децата, таа е тука за нив и засекогаш останува мајка на своите „лавчиња“.

Риби

Мајката Риба е чиста љубов. Кај неа не постои висок тон. Таа ги чувствува своите деца непогрешливо емпатично и сè што прави е интуитивно. Таа посебно се издвојува од другите знаци.

Децата покрај неа ја чувствуваат бескрајната љубов и топлина на домот што таа ја создава. Ја чита секоја нивна мисла. Таа, исто така, ја чувствува секоја нивна болка и страдање и тогаш настапува нејзината големина, бидејќи таа со својата енергија ги лекува нивните рани.

Јарец

Мајката Јарец е буквално столб на куќата, домот и семејството. Таа е сè! Понекогаш изгледа ладно и отсечно, но тоа го прави многу свесно, затоа што ги подготвува своите деца за суровиот и студен свет што ги очекува кога ќе заминат од неа. Тоа е суштината на стабилноста и безбедноста.

Таа им дава сè на своите деца и не очекува ништо за возврат. Нејзината сила се рефлектира кога е најтешко.