Дека најголемата светска економија е во рецесија во понеделникот и официјално потврди Националното биро за економски истражувања, институција која е задолжена за одредување на моментот кога започнала и кога завршила рецесијата во САД.

– Одборот смета дека пандемијата од корона вирусот и одговорот за зачувување на јавното здравје резултираа со пад на различните керактеристики и динамика во однос на претходните рецесии, се вели во соопштението на оваа институција.

Наспроти ваквите резултати, Одборот заклучува дека поради „невидениот пад на вработеноста и произвидството, како и неговиот широк опфат во целото општество оваа епизода се смета за рецесија, дури и доколку се покаже дека ќе биде најкратка рецесија во споредба со претходните економски падови.

Одборот во соопштението порачува дека во февруари дошло до „јасен врв на месечните економски активности„, додека врвот на тримесечните активности бил регистриран во последниот квартал во 2019 година.

За рецесија вообичаено се смета пад на економијата два квартали по ред, но тоа не е секогаш случај, а во САД се смета институтот рецесијата ја одредува службено.

Бруто – домашниот производ на САД во првиот квартал падна за 4,8 отсто и веројатно и во вториот квартал ќе го забележи најлошиот пад во историјата, односно можеби ќе изнесува над 20 отсто.

Со ова рецесијата го означи крајот на најдолгиот период на раст на американската економија во историјата, кој траеше 128 месеци или речиси 11 години.