Пронајдено е телото на Маеве Кенеди Таунсенд Мекин, внуката на Роберт Ф. Кенеди која минатиот викенд со синот се удави во Мериленд во САД.

Маеве и 8-годишниот Гидеон исчезнаа во четвртокот доцна попладнето во заливот Чисапике, а во близина на местото на исчезнувањето е пронајдено празно кану.

Телото е најдено по повеќе од 26 часа потрага

Една од агенциите кои ги барала, „Charles County Dive and Rescue“ го пронашла телото на Маеве на длабочина околу 8 метри, околу 4 километри јужно од куќата на нејзината мајка во Мериленд, од каде тргнале со кануто.

Потрагата траела повеќе од 26 часа и пребарано е подрачје од 5.887 километри. По детето се уште се трага.

Играле со топка која им паднала во вода – Тргнале по неа

Како што пренесува Њујорк Пост, Маеве и нејзиниот син си играле со топка која им паднала во вода па тргнале со кану по неа. Отишле предалеку и не можеле да се вратат, рекол сопругот на Маеве, Дејвид Мекин.

Имала само 40 години

Маеве ја советувала администрацијата на Обама за глобалната програма против сида и волонтирала за мировните сили во Мозамбик. Имала 40 години.

Роберт Францис кенеди, нејзиниот дедо, бил политичар и правник, брат на бившиот американски претседател Џон Кенеди, за време на чиј мандат тој бил министер за правосудство. Како и неговиот брат Џон, и Роберт бил убиен во атентат.