Професорката Мирјана Најчевска ја коментираше актуелната ситуација со пратеникот Павле Богоевски, па истакна дека е за легализација на марихуаната, меѓутоа дека и се потребни „чисти глави“ во Собранието.

Најчевска истакна дека сите пратеници и високи функционери барем два пати годишно треба да се тестираат за уптореба на психотропни супстанци.

„Јас мислам дека сите пратеници и високи функционери во власта треба барем два пати годишно да бидат проверени за употреба на психотропни супстанци.Функциите носат привилегии, мора да носат и ограничувања. Јас лично сум за леализирање на марихуаната и еден сосема поинаков пристап кон консумирањето на психотропни сусптанци, меѓутоа, во Собранието сакам луѓе со чисти глави.
Јас исто така мислам дека треба да има и тестови за општа интелегенција .Навистина ми е преку глава од “народни претставници“ со пола грам мозок кој не можат да соберат 2+2, а камоли да разберат што пишува во законските предлози за кои дигаат рака“ стои во објавата на професорката.