Најчестите МИТОВИ И СТЕРЕОТИПИ за депресијата – Слободен печат
ЗдравјеМагазин

Најчестите МИТОВИ И СТЕРЕОТИПИ за депресијата

Сè што треба да знаете за ова често нарушување...

Како се чувствуваат луѓето кои страдаат од депресија? Зошто, иако е честа, сè уште е обвиена со митови и стереотипи?

Прочитајте ги најчестите митови во врска со депресијата и не избрзувајте со заклучоци:

Депресијата е тага

Постојаната тага е само еден симптом на депресијата. Кај овие луѓе постојат и радост и смеа, но често ги употребуваат за да го потиснат она што им се случува.

Депресијата е измислена

Ова е најголемата заблуда и затоа советите како „тоа е во главата“ и „излези и прошетај“ нема да донесат ништо добро на оној кој страда.

Депресијата е последица на стрес

Депресивните епизоди може да се појават и без да им претходи стрес. Затоа и оние кои страдаат треба да побараат помош што порано, а вие треба да бидете тука за нив.

Антидепресивите се единствен начин за лечење

Антидепресивите помагаат при справување со симптомите, но целокупното лечење освен што е долготрајно, бара и многу труд и промени во начинот на живеење.

Депресијата не влијае на физичкото здравје

Депресијата и тоа како има влијание врз физичката состојба на телото. Предизвикува несоници, губење на апетитот или негова силна изразеност, слаба енергија, намалено либидо, па дури и губење на меморијата.

Депресијата им се случува на психолошки слабите лица

Ова е еден од најчестите митови, со оглед на тоа што депресијата може да се појави кај секого, без разлика на целокупното здравје, исполнетоста на животот, финансиските примања…

Депресијата е краткотрајна

Епизодите на депресијата може да бидат кратки, помалку од една недела, но често се враќаат повторно. Затоа не смеете самите да се справувате со неа, туку треба да побарате помош.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close