Најбогатиот човек во Европа не се откажува од купување на Милан
Најбогатиот човек во Европа и вториот најбогат човек на светот, Бернар Арно води интензивни преговори за купување на “росонерите“.
Иако во последните месеци неколку пати беше лансирана оваа вест, таа постојано беше демантирана. Сепак,овој пат „Ла Република“ се повикува на извори во клубот. Според весникот, сопствениците на Милан, инвестицискиот фонд Елиот е во поодмината фаза од преговорите со Арно за евентуалното купување на италијанскиот тим.
Богатството на сопственикот на луксузниот моден бренд „Луј Витон“ е проценето на 93 милијарди евра, упатил понуда тешка дури 975 милиони евра за купување на Милан. Првата понуда е одбиена бидејќи сопственикот на фондот Елиот, Пол Сингер, бара дури 1.2 милијарди но поради катастрофалните игри на Милан сезонава е приморан да ги намали барањата.
Весникот тврди дека во првите две недели од јануари се очекува Милан и официјално да добие нов сопственик кој вети дека ќе стори се за да ја врати старата слава на екипата.