Најава за нови бури во Италија, Венеција повторно го активира системот „Мосе“
Поради големиот број на бури и силни ветрови, властите во Венеција го активираа градскиот систем за одбрана од поплави, т.н. „Мосе“, се наведува во твитот на градоначалникот Луиџи Бругнар.
Во извештајот објавен во вторникот се вели дека од петок властите очекуваат поплави и дека нивото на водата може да се зголеми до 1,35 метри до среда навечер, пренесува „Ла Република“.
❗️È in corso il sollevamento del sistema MoSE.
Qui le foto delle prime paratie alzate alle bocche di porto.Invito i cittadini a seguire gli aggiornamenti sui canali del @comunevenezia e del #CentroMaree – @ICPSMVenezia!https://t.co/a2aksLoaaU pic.twitter.com/x5EyYn25JP
— Luigi Brugnaro (@LuigiBrugnaro) November 1, 2021
Метеоролозите очекуваат дополнително невреме во среда и четврток.
Подигнувањето на нивото на морето и се заканува на Венеција
Системот Мосе за заштита од поплави – чие име доаѓа од италијанскиот термин за Мојсеј – е дизајниран да ја заштити Венеција од бури. Се состои од 78 бариери кои градот може да ги подигне на три влеза и е во функција од 2020 година.
Проектот вреден милијарди долари е контроверзен: корупцијата, бирократијата и политичките и економските интереси долго ја одложуваат неговата изградба.
Експертите велат дека е можно од 2075 година системот да мора да биде активен во текот на целата година доколку климатските промени – а со тоа и порастот на нивото на морето – не се забават многу.
Венеција го активираше најновиот систем против поплави, утре се очекува метар над просекот