Надлежните ги расчистуваат улиците од снегот во Охрид
Врнежите на снег што го зафатија охридскиот регион ги активираа оперативните служби од Јавното претпријатие „Охридски комуналец” кои почнаа со расчистување на улиците низ градот и околните населени места, со приоритет на критичните точки. Расчистувањето на снежните наноси започна од Велестово, односно на повисоките места каде одвивањето на сообраќајот и движењето на граѓаните е најотежнато.
Како што информираше градоначалникот Кирил Пецаков, на располагање е ставена целокупната соодветна механизација со цел побрзо расчистување на снегот и зголемување на безбедноста и на граѓаните, како и во сообраќајот. Тој апелираше да се почитуваат пропишаните мерки за одвивање на сообраќајот во зимски услови за поголема безбедност на сите.
Со цел да се избегнат несакани последици, службите апелираат до граѓаните да не се движат на повисоките места, освен во случај кога е неопходно