Надеж плус за пациентите со ковид-19: Озонот и крвната плазма ново оружје против коронавирусот

На Институтот за трансфузиона медицина е закажана првата екстракција на плазмата за неколку дена, од маж кој го прележал вирусот и доброволно се пријавил да дарува крвна плазма богата со антитела кои може да им помогнат на болните, особено оние со тешка клиничка слика.

На Институтот за трансфузиона медицина во Скопје веќе почна постапката за одделување на крвна плазма од луѓето што оздравеле од ковид-19. Плазмата се одделува со високо софистициран клеточен сепаратор, а постапката трае од 40 до 60 минути. За ова време се издвојуваат 300 до 600 милилитри плазма, а останатите компоненти му се враќаат на донорот. Плазмата што е дарувана е течниот дел на крвта кој брзо се надокнадува. Дарител може да биде човек на возраст од 18 до 60 години, со телесна тежина поголема од 60 килограми, кој има оздравено од инфекцијата ковид 19 доколку ги исполнува стандардните услови за дарување крв, но и некои дополнителни критериуми.

Конвалесцентна плазма може да даруваат оздравените пациенти што имаат документиран лабораториски доказ дека биле болни од Ковид 19, мора да имаат два негативни теста во рок од 24 часа, да се минимум 21 ден без симптоми, по што се прави трет тест дека нема присуство на вирус. Во крвната плазма на лицето кое било излечено од ковид 19 има антитела што организмот ги создал за време на борбата против болеста. Ваквата терапија се покажала како ефикасна во борба против болести како САРС и ебола. За жените што ќе даруваат плазма, а кои родиле дете, ќе се направи и дополнително испитување за одредување на други антитела. Како и секој друг процес на крводарителство, на сите дарители ќе им биде направено и лабораториско испитување за да се потврди дека немаат Хепатит Б, Хепатит Ц, ХИВ или сифилис.

Прочитајте и...  Орбан го поддржа Мицкоски: Би сакале како победник да го видиме ВМРО-ДПМНЕ (ВИДЕО)

Во градската болница „8 Септември“ пак, почна да се применува озонска терапија. Оваа терапија како што најави министерот за здравство Венко Филипче, нема докази дека помага, но има докази дека сигурно не одмага. Причина за тешката клиничка слика кај пациентите со коронавирус е недоволната оксигенација на крвта. Се смета дека со оксигенирање на озон, една количина на крв може подобро да ги оксигенира ткивата во повеќе органи во организмот. Во „8 Септември“ од вчера има и апарат за озонска терапија, бидејќи публикации од некои земји покажале дека оваа терапија помага. Тим анестезиолози од болницата 8 Септември направил детална анализа на обемна литература и заклучил дека вреди да се направи обид и оваа терапевтска мерка да се аплицира кај пациентите со ковид 19.

Прочитајте и...  ИНТЕРВЈУ Зоран Заев: Ќе има за сите, а за пензионерите плус 4.500 денари месечно!

-Станува збор за метода со која се озонира една одредена количина на крвта која се вади од пациентот и потоа се враќа во неговата циркулација. 15 милилитри од крвта се вадат, се озонираат и се враќаат во циркулацијата и тоа може да се повтори неколку пати во денот. Се подобрува способноста на крвта да однесе кислород до ткивата каде е тоа потребно. На тоа се должат добрите резултати, тоа е механизмот на делување, најави министерот.

Озонската терапија нема да биде единствената што се употребува за заразените од коронавирус, но ќе биде уште една нова надеж. Во земјава веќе се достапни сите методи кои што се употребуваат и во светот за борба против болеста Ковид 19, а според симптомите и карактеристиките на секој пациент, се дава под лекарски надзор различни комбинации на лекови, меѓу кои сумамед, лек против маларија, лек против ХИВ, ебола, зависно од тоа кој каква клиничка слика има.

Прочитајте и...  Грција: Регистриран 41 нов случај на коронавирус, 26 од нив се туристи

Според категоризацијата на ризикот од Светската здравствена организација се проценува дека ризикот за понатамошно ширење на Ковид 19 во земјава е многу висок. На сила се повеќе мерки за спречување на понатамошното ширење на вирусот, меѓу кои полициски час, забрана за групирање, задолжително носење маска на затворен простор и надвор, држење 2 метри дистанца. Маската за една употреба не смее да се користи повеќе пати, да не се допира со нечисти раце и да се внимава со манипулацијата со заштитната опрема за да не се случи контаминација со вирусот, се дел од препораките на здравствените власти.

Прочитај повеќе

Мицкоски: Заврши времето на политичари елитисти, ние ќе ги засукаме ракавите и ќе ја обновиме Македонија

Слободен печат

Мендух Тачи: Македонците ќе бидат обврзани да прифатат дводомен парламент и не правам договор со ДУИ

Слободен печат

Најмалку две жртви при уривање на зграда во Лагос

Слободен печат

Мандатот на Еулекс продолжен за една година

Слободен печат

Заев: Имаме земја призната од светот, ВМРО-ДПМНЕ може да учи од нас што е патриотизам

Слободен печат

Експлозија на бомба во Авганистан, загинаа шест цивили

Слободен печат

Остави Коментар

Прочитај повеќе

Касами од Тетово: Во наредните четири години ќе се доближиме до ЕУ

Слободен печат

Шахпаска од Велес: На 15 јули одиме напред по патот на напредокот

Слободен печат

ЗНМ, ССНМ и СЕММ ги осудуваат законите упатени кон новинарката Милевска

Слободен печат

Заврши протестот во Нови Сад, во Белград засега мирни демонстрации

Слободен печат

Во карантин македонски државјани кои дошле од Авганистан, дел од нив позитивни на Ковид-19

Слободен печат

ТРАГЕДИЈА: 28-годишно момче се удави во езерото „Младост“

Слободен печат