Надал со тешка одлука: Нема да учествува на „Вимблдон“ и Олимписките игри во Токио!

Фото: EPA-EFE/JAMES ROSS

Шпанскиот тенисер преку социјалните мрежи ја информираше јавноста дека нема да биде дел од следниот грен слем турнир „Вимблдон“, како и претстојните Летни олимписки игри во Токио.

Одлуката на Рафа доаѓа на помалку од една недела по поразот од Новак Ѓоковиќ во полуфиналето на Ролан Гарос.

– Решив да не учествувам на овогодинешниот шампионат на „Вимблдон“ и на Олимписките игри во Токио. Никогаш не е лесно да се донесе ваква одлука, но откако го слушав моето тело и дискутирав за тоа со мојот тим, разбирам дека тоа е правилна одлука со цел да ја продолжам кариерата и да продолжам да го правам тоа што ме прави среќен, а тоа е да се натпреварувам на највисоко ниво ниво и продолжам да се борам за оние професионални и лични цели – напиша Надал.

Надал објасни дека врз неговата одлука значително влијаело недостатокот на слободно време меѓу двата грен слема.

– Фактот дека има само две недели помеѓу „Ролан Гарос“ и „Вимблдон“ не го олесни моето тело да се опорави по секогаш макотрпната сезона на земја. Тоа беа два месеци на голем напор – додава Надал.

Да додадеме уште дека „Вимблдон“ ќе се одржува во периодот од 28 јуни до 11 јули.

Видео на денот