Двајца големи ривали, но и пријатели, Надал против Федерер во полуфиналната пресметка во Лондон в петок на престижниот Централен терен после 11 години.

– Навистина е одлично чувството и што сум во можност да играм тенис на едно високо ниво. Пресметките против Федерер секогаш се посебни, ме радува тоа што повторно ќе бидам на тој терен после 11 години. Многу ми значи, но и на Роџер. Возбуден сум поради тој меч, а верувајте се помалку ги има, но уште сме активни – вели Надал.

"He's been in phenomenal form"

For the first time since 2008, @RafaelNadal and @rogerfederer will face each other at #Wimbledon pic.twitter.com/wvJvAlLweH

— Wimbledon (@Wimbledon) July 10, 2019

Федерер – Надал на „Вимблдон“ по четврти пат, прва „класика“ на трева после 11 години.

Ќе се сретнат по 40 пат в петок попладне, во четвртата средба и прва уште од финалето на „Вимблдон“ во 2008 година, кога Шпанецот во третата „класика“ по ред во Лондон конечно успеа да го совлада „непобедливиот“ Швајцарец и го освои најпрестижниот од сите четири грен слема.

It's Federer vs Nadal. At #Wimbledon

Again. pic.twitter.com/lYHkirmoQO

— Wimbledon (@Wimbledon) July 10, 2019

Претходните две финални пресметки, 2006. и 2007. година, му припаднаа на осумкратниот шампион.