Надал: Се борам, но часовникот ми отчукува и станува се покомпликувано
Шпанскиот тенисер Рафаел Надал одлучи до крајот на годината да одмора и да ги надмине сите проблеми со повредите за да може следната сезона да се врати здрав, но во исто време е свесен дека се наоѓа на залез од кариерата.
Надал кој во јуни годинава наполни 35 години, ја заврши сезоната поради операцијата на стопалото.
– Добро сум, иако знам и за подобри денови. Стопалото сè уште ме боли, ова е тежок период за мене. Целта ми е целосно да се опоравам иако сум сведен дека во еден период ќе имам и тешки и болни моменти. Сакам сите тие проблеми да ги надминам и да се борам за тоа што го сакам, враќањето на тениските терени – вели Надал.
Шпанецот е свесен дека опоравувањето од повредите оди поспоро и е се потешко бидејќи е длабоко навлезен во четвртата деценија од животот.
– Имав фантастични моменти низ кариерата, моменти за кои не сонував дека ќе ги има. Но, исто така имав и тешки моменти поради повредите иако секогаш наоѓав начин како се опоравам и да продолжам.Како што поминуваат годините, така и работите треба да ги сфаќаме пореално: часовникот отчукува, и станува се покомпликувано – додава Надал.
Оваа година Надал триумфира на Мастерсот во Рим како и на турнирот во Барселона, по што на Ролан Гарос испасна во полуфиналето од Новак Ѓоковиќ и потоа започнаа проблемите со стопалото поради што не настапи на Вимблдон, Олимписките игри во Токио и УС Опен.