Надал рутински со Синер, познати четвртфиналните парови на „Ролан Гарос“

epa09253730 Rafael Nadal of Spain celebrates after winning the 4th round match against Jannik Sinner of Italy at the French Open tennis tournament at Roland Garros in Paris, France, 07 June 2021. EPA-EFE/CAROLINE BLUMBERG

Рафаел Надал, третиот тенисер на светот се пласираше во четвртфиналето на грен слем турнирот во Париз откако ја оправда фаворитската улога против Јанис Синер од Италија со резултат 7:5, 6:3 и 6:0.

Шпанецот на тој начин продолжува успешно на патот кон 13 шампионски трофеј на „Ролан Гарос“. „Бикот од Мајорка“ до победата дојде за два часа и 17 минути игра и во следната фаза ќе се соочи со Шварцман кој претходно беше подобар од Штруф.

Така, беше продолжен тешкиот ден за младите италијански тенисери, претходно Лоренцо Мусети беше поразен од првиот светски рекет Новак Ѓоковиќ, иако водеше со 2:0 во сетови.

Познати се сите четвртфинални двојки во машка конкуренција: Новак Ѓоковиќ – Матео Беретини, Рафаел Надал – Диего Шварцман, Александер Зверев – Алехандро Давидович Фокина и Стефанос Циципас – Данил Медведев.

Да додадеме уште дека „Ролан Гарос“ се игра за награден фонд од 35.350.000 евра, а титулата ја брани токму Надал.

Ролан Гарос: Ѓоковиќ имаше негатива од 0:2, па му препушти само еден гем на ривалот!

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот