Рафаел Надал славеше во дерби пресметката од осминафиналето на Австралија Опен против домашниот миленик, Ник Кирјос. Надал пласманот во четвртфиналето го обезбеди со триумфот од 6:3,3:6,7:6,7:6 и си обезбеди пресметка против Доминик Тим.

Надал одлично го започна дуелот, доминираше во размената, и во четвртиот гем успеа да направи брејк кој му го донесе првиот сет.
Кирјос возврати во наредниот сет на идентичен начин, направи брејк исто така во четвртиот гем.

Останатите два сета, првиот носител ги освои во тај брејкот и си закажа пресметка со Доминик Тим. Австриецот во осминафиналето го победи Гаел Монфилс 6:2,6:4,6:4.

Во второто четвртфинале ќе играат Александер Зверев и Станислас Вавринка.
Зверев во три сета со идентични 6:4 беше подобар од Русинот Антон Рубљов, додека Вавринка и јунак на денот откако го победи четвртиот носител Данил Медведев.

Шампионот на Австралија Опен од 2014 година по три часа и 25 минути во пет сета со 6:2,2:6,4:6,7:6,6:2.

Кај дамите во четвртфиналето ќе играат Анет Контавеит – Симона Халеп и Гарбине Мугуруза – Анастасија Пављученкова.
Халеп и Мугуруза во два сета ја завршија работата против Мертенс, односно Бертенс, додека Контавеит ја совлада Свиатек со 2:1, исто како и Пављученкова во дуелот со Кербер.