Надал: Потребна ни е вакцина, а не доживотно дистанцирање!
Шпанскиот тенисер е среќен поради враќање на теренот, но и свесен дека пандемијата на коронавирус многу ќе влијае на глобалната иднина.
Поранешниот прв светски рекет, кој како и сите други спортисти ширум светот, беше во двомесечна самоизолација, продолжи со тренинзи во својата академија во Мајорка.
Шпанскиот тенисер Рафаел Надал е среќен поради враќање на теренот, но и свесен дека пандемијата на коронавирус многу ќе влијае на глобалната иднина.
– Конечно можеме да се вратиме на теренот. Драго ми е што повторно работам во мојата академија. И јас сум задоволен што децата можат да играат. Тие се исклучително среќни и тоа е важно за сите нас – рече Надал и продолжи:
– Секако, сакам на турнирите да бидат полни трибините. Но, мора да бидеме трпеливи, потребна ни е вакцина. Во исто време, ми се чини дека сега ќе дојде некоја нова реалност. Новата реалност е само онаа што ќе ја прифатиме.
Рафа напомена дека сака да гледа кога луѓето се гушкаат, комуницираат…
– Чекаме да се врати тоа време, очекуваме тпа да стане повторно нормално. Невозможно е да се прилагодиме на доживотно дистанцирање – се зборовите на шпанскиот тенисер.