Рафаел Надал изненадувачки, се уште нема освоено титула во 2019 година, иако веќе се одиграа и три турнири на неговата омилена подлога, на земја. Последен пат во првите пет месеци од годината не успеал да триумфира на еден турнир беше во 2004 година.

– Нормално е ова што се случува сега, отколку тоа што го правев во изминатите 14 години. Поразите се дел од спортот. Има време, потебно е да бидам подготвен да играм на највисоко ниво и ќе добијам шанса да триумфиран на турнирите кои следат. Пред мене се уште два турнира на земја и ќе видиме што ќе се случи во Рим или во Париз – вели Надал.

Големо изненадување претставува елиминацијата на Надал на трите турнири на земја, која е негова омилена подлога. На сите три турнири на кои настапи годинава, во Монте Карло, Барселона и во Мадрид, тој беше елиминиран во полуфиналето.

– Со години победував на земјените терени. Оваа година чувствувам дека сум блиску но никако не ми успева. Мора да се прифати таа состојба и да се оди понатаму. Има млада генерација на талентирани тенисери кои полека го го заземаат нашето место – изјави Надал.