Надал: Подобро да не знаете колку инјекции примив, не знам што ќе биде понатаму
Рафаел Надал по 14 пат го „покори“ Париз и дојде до својата 22 грен слем титула.
Шпанскиот тенисер со освојувањето на „Ролан Гарос“ покажа уште еднаш зошто е навистина „кралот на земјата“.
– Тешко е да се опише како се чувствувам. Никогаш не верував дека повторно ќе бидам тука, за да бидам конкурентен во уште едно финале. Сето тоа ми значи многу. Ова беше неверојатно патување и вашата поддршка од трибините беше иста. Ви благодарам многу – рече Надал.
Многумина и пред стартот на овој турнир, шпекулираа дека можно е наскоро да ја заврши кариерата, а со следната изјава ги загрижи фановите. Зборуваше за повредата на стапалото која постојано го мачи.
– Не знам што може да се случи во иднина, ќе се борам. Да не верував воопшто, немаше да бидам тука. Конкретно, како што сите знаат, подготовката не беше идеална за мене. Бев надвор од теренот и тренирав месец и половина поради проблеми со ребрата, а потоа се појавија и проблемите со ногата. Тој проблем е секогаш тука, особено беше тешко во Рим. Имав доктор тука со мене, не играв без да го чувствувам стапалото. Со инкекција во нервот, да „заспие“ стапалото, па да играм – вели Надал.
Новинарката на „Еуроспорт“ Барбара Шет го прашала колку инјекции морал да прими за време на турнирот?
– Подобро да не знаете колку – кратко одговори Рафа.