Надал по една година го симна Ѓоковиќ од тронот
Шпанецот има 9.585 бодови и на денешната АТП ранг листа го симна Новак Ѓоковиќ од првото место, на кого ниту титулата на Мастерсот во Париз не му беше доволна да остане на тронот.
Рафаел Надал има 640 бодови повеќе од Ѓоковиќ кој без првото место остана бидејќи му се избришани од турнирите во Париз и во Лондон.
Сепак, Ѓоковиќ има шанса да се врати на првото место на АТП ранг листата доколку триумфира на завршниот Мастерс турнир во Лондон на кој ќе настапат најдобрите осум тенисери за 2019 година.
Третото место и понатаму е резервирано за Роже Федерер (6.190), четврти е Данил Медведев (5.705), а петти Доминик Тим (5.025). Стефанос Циципас го помина Александар Зверев на шестата позиција, а осмото и деветтото место го зазедоа Матео Беретини и Роберто Баутиста Агут. Местото во најдобрите 10 тенисери на АТП ранг листата го комплетира Гаел Монфилс.