Надал: Не знам како успеав да победам
Рафаел Надал со победата над Денис Шаповалов се пласира во полуфиналето на Австралија Опен и го продолжи походот по освојување на 21 гран слем титула во кариерата, а по мечот упати пофалби за канадскиот тенисер.
Надал во четвртфиналето имаше водство од 2:0 во сетови, но Шаповалов успеа да се врати и да го однесе мечот во одлучувачки петти сет во кој Шпанецотја потврди својата класа и се пласира во полуфиналето.
– Не знам како успеав, имав и малку среќа на стартот од петтиот сет. Тешко е да се игра против Денис, тој е агресивен тенисер. Имав можност да го добијам мечот во три или четири сета, но ме стигна заморот – изјави Надал кој за време на мечот побара и лекарска помош.
– Имав нешто во стомакот. Направивме тестови да провериме дали е се во ред со моето тело. Испив таблета за да го решам тој проблем и потоа имав среќа што добро сервирав во петтиот сет – додаде Надал.