Рафел Надал на убедлив начин го започна третиот гран слем турнир годинава, Вимблдон, и во второто коло ќе се сретне со контроверзниот австралиски тенисер, Ник Кирјос. Тоа ќе биде нивен прв меѓусебен дуел по турнирот во Акапулко, Мексико, по кој Надал го обвини Кирјос дека не ја почитува ниту публиката, ниту ривалите но и самиот себе. Исто така ова ќе биде прв дуел по критиките на Кирјос упатени кон Надал.

– Не ме интересира што Кирјос прави со својот живот, нека прави што мисли дека треба, а јас сум фокусиран на тенисот. Доволно сум искусен за да знам дека не треба да се впуштам во неговите “игри’ кои воопшто немаат смисла. Би ми било подраго да се сретневме во подоцнежната фаза од Вимблдон, бидејќи тој е талентиран тенисер. Би сакал во првите неколку кола да играм против послаби противници, но не ја бирам јас ждрепката – вели Надал.

Рафаел Надал кој е трет носител на Вимблдон, во првото коло со максимални 3:0 (6:3,6:1,6:3) во сетови го елиминира Јуичи Сугита, додека Кирјос беше подобар од сонародникот Џордан Томпсон по пет сетови игра и тоа со 7:6,3:6,7:6,0:6,6:1.