Новак Ѓоковиќ и Рафаел Надал со победи над домашни тенисери го стартуваа настапот на Мастерсот во Париз. Ѓоковиќ многу потешко од очекувањата со 7:6,6:4 со совлада Корентан Муте. Првиот тенисер на АТП на ранг листата се мачеше во текот на целиот меч, во првиот сет Муте дојде до брејк за 4:3 но веќе во следниот гем, Ѓоковиќ направи рибрејк и потоа во тајбрејкот успеа да го освои првиот сет.

Во вториот сет Ѓоковиќ направи брејк за 2:1 во гемови и предноста без проблем ја задржа со крајот на сетот што значеше триумф и пласман во следната рунда.

– Не се чувствував добро на теренот и не играв како што треба, посебно во првиот сет. Но, најдов начин да победам и тоа е најважно – изјави Ѓоковиќ кој во наредното коло го очекува Кајл Едмунд.

Рафаел Надал со сличен резултат како Ѓоковиќ со 7:5, 6:4 го победи Адриан Манарино и си закажа пресметка со Станислас Вавринка кој беше поуспешен од Марин Чилиќ во два тај брејка.
Надал првиот сет го обезбеди со брејкот во 12. гем, а вториот сет беше копија на првиот. Шпанецот брејкот го направи во последниот 10 гем за победа од 2:0 во сетови.