Селекцијата на Шпанија триумфира во новиот формат на Дејвис-купот откако во големото финале ја победи Канада со 2:0.

Роберто Баутиста Агут се врати во репрезентацијата на Шпанија, само три дена откако почина татко му.

Агут релативно лесно со 6:3,6:1 го победи Феликс Ожен Алиасим ѝ и го донесе првиот поен на Шпанија.

Потоа на сцена стапи првиот тенисер на АТП листата, Рафаел Надал кој исто така во два сета беше поуспешен од својот противник, Денис Шаповалов.

Надал со 6:3,7:6 го победи младиот Канаѓанец за триумф на „црвената фурија“ во новиот формат на натпреварување на Дејвис-купот.

Со триумфот, Надал ја продолжи импресивната серија на настрапите во Дејвис-купот. Надал од премиерниот настап во 2004 година, има неверојатен скор од 29 победи и само еден пораз кој го доживеа во дебитантскиот настап.