Беше тоа „војна“ на двајцата тенисери кои како што е веќе познато и не се наоѓаат во некои добри односи.

Се гледаше тоа и во текот на мечот кога Кирјос на почетокот од дуелот го „провоцираше“ Надал, но и реагираше кон главниот судија поради големите паузи на Рафа меѓу сервисите.

Освен што на секаков начин Кирјос се обидуваше да го привлече вниманието, имаше и по некој изненадувачки поен.

50 #Wimbledon wins and counting for @RafaelNadal… pic.twitter.com/8Q3zg2KnKu

— Wimbledon (@Wimbledon) July 4, 2019

Третиот сет го одбележа конфликтот на Кирјос со судијата, во еден момент незадоволниот Ник повторно беше незадоволен од една одлука. Му беше доделен поен на Надал, затоа што со „челинџ“ беше утврдено дека линискиот судија погрешил, а Шпанецот отсервираше ас.

Тоа Кирјос како да го налути, кој сметаше дека поенот мораше да се повтори.

– Мислиш дека си важен, а фактички си никој – додаде темпераментниот Австралиец кој главниот судија.

Kyrgios hits big forehand right at Nadal ?

Nadal was not happy about it..#Wimbledon pic.twitter.com/UidAKod19Q

— Vicehood (@Vicehood) July 4, 2019

Кон средината на третиот сет, при резултат 40:15 намерно го „нападна“ Надал додека овој се наоѓаше на мрежа. Грешки правеше Кирјос во клучните моменти, а неговиот ривал ги освои наредните два сета во тај-брејк.

За Надал ова е јубилејна 50 победа на терените на „Вимблдон“ и во третата рунда на грен слем турнирот во Лондон ќе ги одмери силите против Французинот Жо-Вилфрид Цонга кој беше подобар од Литванецот Рикардас Беранкис по сетови 7:6 (5), 6:4 и 6:4.