Надал го „прегази“ Вавринка
„Кралот“ на земјените терени, во целост го оправда епитетот и во четвртфиналето на турнирот од Мастерс серијата во Мадрид, го „прегази“ Станислас Вавринка дозволувајќи му да освои само три гема.
Надал победи со убедливи 6:1,6:2. Противник на Надал во полуфиналето ќе му биде Гркот Стефанос Циципас кој направи изненадување и во четвртфиналето го совлада четвртиот носител, Александар Зверев со 2:1 во сетови (7:5,3:6,6:2).
Утрешната пресметка помеѓу Надал и Циципас ќе биде четврта, а во последните три дуели, Шпанецот не му дозволи на младиот тенисер од Грција да освои ниту еден сет.
Во финалето во женска конкуренција ќе играат Симона Халеп и Кики Бертенс. Халеп со 2:1 во сетови (6:2,6:7,6:0), ја совлада Белинда Бенчиќ од Швајцарија, додека Кики Бертенс беше поуспешна од Американката Слоун Стивенс, и славеше во два сета со 6:2,7:5.