Над милион ученици во Њујорк ќе отсуствуваат од училиште заради Штрајкот за климата
На Штрајкот за климата во Њујорк, познат и како „Fridays For Future” учество ќе земат околу 1,1 милиони ученици, објави Аксиос.
Директорите на училиштата во САД не знаат каков став да заземат откако њујоршките власти соопштија дека децата нема да добијат неоправдани за учеството во петочните протести.
Штрајкот за климата произлезе од протестот „Fridays For Future”, кој го започна шведската активистка, 16-годишната Грета Тунберг која секој петок изостануваше од настава за да протестира пред Владата во обид да ја поттикне да се заложи повеќе во борбата со климатските промени.
Протесtот на учениците во Њујорк има за цел да го сврти вниманието на јавноста кон заштитата на животната средина, на три дена пред Самитот на ОН посветен на климата. Над 115 држави и над 1000 градови изразија намера да се вклучат во протестите.