Над илјада еврејски аџии заглавени на границата на Украина (ВИДЕО)
Повеќе од илјада еврејски аџии, меѓу кои и деца, останаа и денеска блокирани на границата меѓу Белорусија и Украина, откако Киев одби да им дозволи да го минат преминот поради мерките воведени поради коронавирусот, објави Бета.
Секоја година, десетици илјади хасидски Евреи патуваат во украинскиот град Уман до гробот на рабинот Наман, основачот на движењето Бреслов Хасидик, пренесува Франс 24.
Аџиите допатувале иако и украинската и израелската влада минатиот месец им порачаа да не го прават тоа.
Jewish Pilgrims Spend Night In No-Man's Land Between Belarus And Ukraine https://t.co/uhfxq8coqS
— Terry Allyn Travers (@tqnews) September 15, 2020
Украина забрани влез на странци во земјата до крајот на септември поради зголемувањето на бројот на заразени со Ковид-19.
Пограничната служба на Украина наведува дека има околу 1.000 лица на границата, додека на белоруската граница велат дека бројот е 1.064 и дека меѓу нив има 242 деца. Белоруската гранична полиција, исто така, информира дека им дала храна и топли шатори на аџиите, иако тие се жалат дека им студи и се гладни.
– Во моментов, ситуацијата не дозволува да ги пуштиме хасидските Евреите во Украина, изјави за украинскиот канал 24 ТВ украинскиот заменик министер за надворешни работи, Јевгениј Јењин.
Ивановский район. Так выглядят танцы хасидов, которых выпустили из Беларуси и не впускают в Украину. pic.twitter.com/WL1OKzmgAv
— TUT.BY (@tutby) September 15, 2020
Украинската гранична полиција објави снимка на која се гледа како Евреите во традиционална носија се молат со книги во рацете на сред пат.
#TravelNews Jewish pilgrims stuck between Belarus and Ukraine over COVID-19 restrictions: Between 1,000 and 2,500 Jewish pilgrims got stuck at Belarus-Ukraine border after the Ukrainian government tightened border controls and crossing restrictions over… https://t.co/tGNSxwrOB7 pic.twitter.com/CrPfQJHjbG
— eTurboNews | Trends | Travel News (@eTurboNews) September 15, 2020
Аџиите се под надзор на украинската гранична полиција, која формираше и кордон.
Секоја година за време на еврејската Нова година, десетици илјади аџии одат во Уман на гробот на рабинот Нахман, а оваа година аџилакот е предвиден од 18 до 28 септември.