Над 900.000 вакцинации во Грција, пријавени само шест алергиски реакции

EPA
Вакцинација на пензионери во Грција/Фото: EPA-EFE/ORESTIS PANAGIOTOU

Денеска спроведовме 30.000 вакцинации, а очекуваме да надминеме 34.000 и можеби ова да биде дневен рекорд од почетокот на имунизацијата. Од декември спроведовме 915.000 вакцинации, 915.000 наши сограѓани се вакцинираа и во текот на неделава се очекува да надминеме еден милион вакцинации, рече генералниот секретар во Министерството за здравство на Грција Мариос Темистоклеус на денешната редовна прес конференција за процесот на имунизација во земјата, јави дописничката на МИА од Атина.

Темистоклеус објасни дека досега се пријавени 1.266 случаи, односно жолт картон, кои биле анализирани и само мал дел биле поврзани со вакцината, поточно шест случаи на алергиски реакции.

Во однос на доставата на пратките, истакна дека од април се очекува да биде зголемен бројот на вакцини што ќе пристигнат во земјата.

Во Грција, и покрај карантинот и рестриктивните мерки, повторно има зголемен број нови случаи, вкупно 1.176 во изминатите 24 часа, а починаа 30 лица.

Драстично е зголемен и бројот на пациенти приклучени на апарати, 406, односно 15 повеќе од вчера и 27 повеќе од завчера.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот