Во Подрачната единица на Министерството за земјоделство, шумарство и водостопанство во Дебар до денеска барања за субвенции доставиле 510 земјоделци. Од таму велат дека во наредниот период очекуваат да пристигнат уште апликации имајќи го предвид крајниот рок за аплицирање односно 31 јули.

-Станува збор за земјоделци од општините Дебар, Центар Жупа и подрачјето на Река, општина Маврово и Ростуше, кои поради близината последните години барањата ги доставуваат кај нас. Иако се дава можност и електронски да ги поднесуваат, сепак над 95 отсто од земјоделците барањата ги доставуваат кај нас, вели раководителот на Подрачната единица, Арбен Муладаути.

Повикот за Програмата за директни плаќања за 2020 година истекува на крајот од месецов, на 31 јули, а Муладаути напоменува дека сите потребни информации и потребна помош може да се добијат во подрачната единица.