Повеќе од 32 милиони лица во светот се заразени со коронавирус, покажуваат најновите податоци на интернет страницата „Worldometar”,

САД и натаму се најтешко погодената земја од пандемијата со Ковид 19, бидејќи во неа се заразени повеќе од седум милиони лица, а над 200.000 веќе умреа.

На второ место е Индија со речиси шест милиони заразени и повеќе од 91.000 смртни случаи.

Бразил се наоѓа на третото место според бројот на заразени, со 4,6 милиони и на 138.000 умрени.

Русија е на четвртото место во светот и на прво во Европа, со 1,1 милиони инфицирани и речиси 20.000 умрени лица.

СЗО соопшти дека 156 земји се приклучиле на таканаречениот КОВАКС (Глобален план за вакцинација), со кој се планира до крајот на следната година на глобално ниво да се испорачаат околу две милијарди дози вакцини, но дека меѓу нив не се големите држави како Кина, Русија и САД.

– И друг број земји ќе се регистрираат за глобалниот план за вакцинирање, а некои од доцнењата беа заради процедурални проблеми, а не поради сомневања во оваа шема, изјави денеска портпаролката на Светската здравствена организација (СЗО), Маргарет Харис.