Националната гарда луѓето во сопствените дворови во Минеаполис ги гаѓаше со боја (ВИДЕО)
Едно лице и тоа помладо, може да си види од снимката, гардистот успеа да го погоди, но изгледа никој не е повреден.
Во 25 градови ширум САД е воведен полициски час откако протестите поради убиството на Афроамериканецот Џорџ Флојд, кој го задуши полицаецот Дерек Чаувин, се претвори во дивеење, насилство и хаос.
И денеска во 30 градови се одржаа протести, а полицијата се обиде демонстраните да ги растера со солзавец и гумени куршуми. Неколку полициски возила се запалени.
Националната гарда не поштедува никого, па ни обичните граѓани. Така вирално стана видеото на американската активистка Тања Керсен која сними како гардистите ја „чистат“ нејзината улица. Полициските сили маршираат по улицата зад воените возила и им викаат на луѓето да влезат во своите куќи.
Керсен и неколку лица не ги послушаа нивните заповеди, па кратко потоа еден од припадниците на гардата извика „light em up” (анг. запалете ги, погодете ги) и ги погодија со канистер со боја. Едно лице и тоа помладо, може да си види од снимката, гардистот успеа да го погоди, но изгледа никој не е повреден.
Share widely: National guard and MPD sweeping our residential street. Shooting paint canisters at us on our own front porch. Yelling “light em up” #JusticeForGeorgeFloyd #JusticeForGeorge #BlackLivesMatter pic.twitter.com/bW48imyt55
— Tanya Kerssen (@tkerssen) May 31, 2020
Националната гарда на Минеаполис демантираше дека се работи за нивни припадници.
Во Минесота моментално се наоѓаат околу 4.100 припадници на Националната гарда, а уште шест илјади се очекува во наредните денови. На сила е полициски час.