Национален штрајк во Белорусија: Полицијата апси студенти на протест во Минск

Фото: EPA-EFE/STR

Полицијата во Минск уапси студенти кои одговориле на повик на опозицијата да учествуваат на национален штрајк за изразување на незадоволство од државната политика. Полицијата почна да ги апси студентите кои беа во поворка од околу 100 луѓе во центарот на Минск и насилно да ги става во полициски возила.

Вчера истече ултиматумот од опозициската лидерка Светлана Тихановскаја до актуелниот претседател Александар Лукашенко. Клучните барања во ултиматумот се оставка на Лукашенко, крај на насилството и ослободување на политичките затвореници, јави агенцијата ТАСС.

Опозицијата денеска ги повика граѓаните да започнат генерален штрајк, но претставникот на белоруската влада изјави дека белоруската индустрија работи како и обично и дека производството не е запрено.

Од друга страна, Тихановскаја на Твитер денеска објави дека кон националниот штрајк се придружуваат голем број вработени во мали и големи бизниси, поддржани од студенти и пензионери.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот