Ново големо признание за македонската судиска двојка, и официјално објавено е дека Ѓорѓи Начевски и Славе Николов ќе делат правда на финалниот натпревар на ракометниот турнир на Олимписките игри во Токио.

Битката за златниот медал е в сабота од 14.00 часот по македонско време, Франција ќе ги одмери силите против Данска.

За Начевски и Николов ова ќе биде вкупно седми натпревар на турнирот, претходно во групната фаза делеа судиска правда на мечевите Шпанија-Норвешка 28:27, Франција-Германија 30:29, Норвешка-Франција 32:29, Португалија-Египет 31:37, Португалија-Данска 28:34, и четвртфиналната пресметка Германија-Египет 26:31.

Претходно од 10.00 часот е мечот за бронзата, Египет ќе игра против Шпанија на кој еден од официјалните лица ќе биде Драган Начевски, а судии се Германците Р. Шулце и Т. Тонис.