На „жими мајка“ направиле пет милиони евра: Уапсени 13 членови на криминална мрежа во Франција
Полициите на Франција и на Белгија, со поддршка од Европол, оваа недела открија и разбија голема криминална мрежа вмешана во шверцување на мигранти, трговија со луѓе, вклучувајќи и малолетни лица, присилно питачење, измама за социјална помош и фалсификување документи.
– Се проценува дека оваа организирана криминална мрежа, која била активна веќе неколку години, заработила околу пет милиони евра, објави Европол.
За време на координираната акција, белгиски локални полиции и француската национална полиција извршиле рации на седум локации и заплениле фалсификувани документи, вклучувајќи лични карти, пасоши и фалсификувани изводи за венчани, за родени и брак, мобилни уреди, златен накит и докази за трансфер на пари.
Француските власти ги уапсиле 13-те лица во регионите на Париз и Лион, вклучувајќи ги и организаторите на мрежата.