На топлово време се што ви треба е новиот уред на Sony (ВИДЕО)
Јапонската компанија Sony наскоро во продажба ќе пушти „bluetooth“ уред наречен Reon Pocket, кој претставува џебен „клима уред“ чија намена е во текот на топлото време да го разладува своите корисници.
Уредот е со големина на платежна картичка и е тежок само 85 грама и не се забележува додека корисникот го носи. Тој испушта ладен воздух, а се носи на задната страна од кошулата или маицата. Покрај тоа, Reon Pocket во текот на зимата може да се користи и за греење.
Уредот се поставува на вратот, во посебен џеб на задната страна од облеката. Со „bluetooth“ врска е поврзан со телефонот, а корисникот го котролира преку мобилна апликација.
Од Sony велат дека нивната „џебна клима“ може да го разлади корисникот и до 13 Целзиусови степени, во однос со надворешната температура. За време на ладните денови температурата се подигнува до 8 степени.
Температурата се регулира рачно со телефонот, а наскоро ќе биде воведен и автоматски начин на работа. Уредот има неколку начини на работа кои може да се прилагодат според желбата на корисникот.
„Климата“ се напојува со батерија која трае и до 24 часа, а се полни за нецели два часа. Reon Pocket засега ќе биде достапен само во Јапонија, по цена од 95 до 140 евра.