13 C
Скопје

На тајна локација се одржува судењето на Србин и Холанѓанец за убиство на градоначалник

Започна судењето во Швајцарија за Србин (43) и Холанѓанец (40), кои припаѓаат на бандата „Пинк Пантери“, под сомнение дека пред десет години го убиле и ограбиле Иво Борер (71), градоначалникот на Мецерлен.

Според локалните медиуми, ќе им се суди на тајна локација за да се зачува безбедноста на сите кои учествуваат во овој процес, бидејќи „дуото припаѓа на опасна банда“, наведуваат швајцарските медиуми.

Според нив, полицијата се сомнева дека третообвинетиот, директорот (66), во моментов се крие во Србија, каде што живее.

Жителите на малиот швајцарски град на границата со Франција беа шокирани од веста дека нивниот градоначалник е брутално убиен ноќта на 14 март 2010 година. Долго време не се знаеше ништо за напаѓачите, кои беа уапсени на почетокот на оваа година. Според истрагата, тие имале намера да го ограбат сефот на градоначалникот.

Прочитајте и...  ФОТО+ВИДЕО: Беснеат пожари во југоисточна Австралија, луѓето се засолнуваат на плажи

„Причината за тајноста на локацијата каде ќе се одржи судењето е безбедноста, бидејќи обвинетите припаѓаат на банда од околу 200 члена низ источна Европа, за која се тврди дека ограбила накит вреден повеќе од 200 милиони американски долари во околу 150 акции“, изјавија официјалните лица за локалните медиуми.

Злосторството се случило кога разбојниците упаднале во домот на градоначалникот, мислејќи дека нема никој во куќата. Секоја недела, по мисата во црквата, неговата сопруга служеше на локалното население во нивниот ресторан. Борер, кој се најде во куќата, се обиде да им се спротивстави на разбојниците, кои брутално го претепаа.

Неговите последни зборови беа: „Ќе го убијам“, но никогаш не беше откриено кога се однесуваше на тоа. По три месеци поминати на машини, почина во болница.

Прочитајте и...  Белгија ќе добие 650.000 дози вакцини од АстраЗенека, наместо договорените 1,5 милиони

Борер беше познат по развратниот живот и се фалеше со своето богатство, а скоро сите локални жители знаеја дека тој чува сеф во куќата. Напаѓачите влегле во куќата, очекувајќи да најдат скапоцености и околу еден милион евра, но, наводно, не нашле ништо.

Обвинетиот Холанѓанец и Србин ограбуваа и претходно, а обвинителството ги донесе во врска со кражба на накит од златарницата во Ветинген на 3 февруари 2010 година. Холанѓанецот и еден Хрват (44) ограбија златара во Спритенбах.

Наградуван истражувачки новинар е осуден за шверц на дрога во Подгорица

Поврзани вести

ММФ ќе се фокусира на економските последици од климатските промени

И.И.

ВИДЕО: Руската балтичка флота почна големи поморски маневри

Слободен печат

„Доминион” бара оштета од Џулијани во висина од 1.3 милијарди долари поради тврдењата за изборен фалсификат

Илинка Иљоска

Фаучи: Почнаа подготовките за унапредување на вакцината против Ковид-19

Слободен печат

Пекинг: САД покажуваат „мускули“ во Јужно Кинеско Море

Слободен печат

Кинескиот претседател предупреди на нова Студена војна

Слободен печат

Остави Коментар