На стадионите во Англија ќе биде дозволено стоење на навивачите од следната сезона
Клубовите од Премиер лигата и Чемпионшип ќе им биде дозволено да воведат безбедни места за стоење од почетокот на следната сезона откако експериметот што беше спроведен од почетокот на годинава беше успешен, пишуваат англиските медиуми.
Би-би-си пишува дека тима Челзи, Манчестер Сити, Манчестер Јунајтед, Тотенхем и Кардиф Сити беа дел од пилот студијата која ја нарача владата на Обединетото Кралство и се очекува тој пример во новата сезона да го следат и други клубови.
Брентфорд, Квинс Парк Ренџерс и Вулверхемптон веќе објавија дека на нивните трибини ќе има сектори каде и домашните и гостинскте навивачи ќе можат да стојат.
BREAKING: Premier League and Championship clubs will be allowed to introduce licensed safe standing areas from the start of the season. pic.twitter.com/AZDLmM5ig1
— Sky Sports News (@SkySportsNews) July 4, 2022
Сектор без столчиња ќе има дури и на најголемиот стадион во Англија, „Вембли“ на кој ќе се играат финалињата во ФА Купот и Лига Купот.
Стадионите на кое се експериментираше беа избрани по процес на аплицирање и мораше да бдат исполнет неколку риготрозни услови како употреба на камери, подобра обука на редарските служби и строго ограничување за навивачите по принципот „едно лице, еден простор“.
Англиската влада на почетокот од 1990-тите години забрани места за стоење на стадионите по катастрофата на стадионот „Хилсборо“ во Шефилд во 1989 година во која загинаа 97 навивачи на Ливерпул.
– Навивачите долго време водеа кампања за враќање на секторите за стоење и ние внимателно работевме со навивачките групи, дури и со семејствата кои беа погодени од трагичната катастрофа во Хилсборо – изјави министерот за спорт Најџел Хадлстон.