На српските ниви откриени опасни хемикалии што предизвикуваат рак!
Производите набавени на црниот пазар кои се опасни по здравјето, а се користат во овоштарниците и на нивите, често стигнуваат и во мајчиното млеко. Хемикалиите нелегално доаѓаат од Турција и од Украина, а остатоци од овие опасни материи можат да се најдат и во лебот, водата, виното, соковите…
Траги од најјаките пестициди кои се забранети со закон се пронаоѓаат во овоштарниците ширум Србија и се користат во големи количини, предупредуваат агрономите. Супстанциите набавени на црниот пазар докажано предизвикуваат карцином, дијабетес, болести на ендокриниот и дишниот систем. Остатоците од отровите сè почесто се откриваат дури и во примери од мајчино млеко, со што шансата за појава на најтешките болести кај децата повеќекратно се зголемува.
Околу 60 отсто хербициди, 90 отсто фунгициди и 30 отсто инсектициди на пазарот се докажано канцерогени, покажуваат податоци од американската агенција за заштита на животната средина. Истовремено, на повеќе од 65 отсто од овошјето и зеленчукот остануваат штетните хемиски супстанции кои не можат да се отстранат со лупење на кората.
– Освен во свежото овошје и зеленчукот, остатоци од пестицидите можат да се најдат во готовите јадења, лебот, водата, виното и овошните сокови. Дури и кога станува збор за легални пестициди чија количина не ги надминува законски предвидените нивоа, здравјето може да биде загрозено кога истовремено сме изложени на голем број хемиски супстанции – вели д-р Станиша Стојиљковиќ, професот на Технолошкиот факултет во Лесковац.
Според неговите зборови, откриена е поврзаност меѓу изложувањето на органофосфорни пестициди и кардиоваскуларните болести, заболувањата на нервниот систем, деменцијата и зголемувањето на ризикот за појава на Хочкинов лимфом.
Утврдена е потенцијална врска меѓу тријазинските хербициди и зголемување на стапката на заболени од рак на дојката.
Извор: Еспресо.рс