На сите „маки“ после поразот, сега сите го исмеваат Нејмар! (ФОТО)
Нејмар не успеа со ПСЖ да ја освои титулата во Лигата на шампионите после минималниот пораз во финалето од Баерн Минхен.
Од него исто така се очекуваше многу во завршниот натпревар оваа сезона, на крајот тага и солзи кај еден од најдобрите бразилски фудбалери.
Најтешко му беше кога помина покрај трофејот, а откако се смири го зеде мобилниот телефон во раце со цел да му честита на противникот.
Знаеме дека имињата на германските клубови Баерн и Баер се многу слични, а токму поради таа една буква што ја прави разликата, се посрамоти Нејмар.
Па, наместо на Баерн, му честиташе на Баер по што веднаш дојде и одговор од Леверкузен.
– Поразот е дел од спортот, се обидовме, се боревме до крајот. Им благодарам на сите за поддршката и честитки до Баер – напиша Нејмар на Твитер.
– Ти благодариме Нејмар. Не разбираме зошто нам ни честиташ додека сме на одмор и играме „ФИФА“…но благодарам – реагираа „фармацевтите“.