На сафари убивале животни: Ужасните фотографии на брачен пар испливаа во јавност
Брачниот пар од Франција бил принуден да го продаде својот ланец супермаркети откако ги објавиле фотографиите од патувањето во Африка, на кое учествувале во убивање на диви животни. Овие фотографии предизвикале огромен бес кај сите што ги воделе.
Жак Албуд и неговата жена Мартин, кои биле сопственици на франшизата „Супер У“ во градче во близина на Лион, фотографирани се во Танзанија пред неколку години како стојат над трупови на лавови, леопарди, нилски коњи, зебри, кои се застрелани. Жак и Мартин се фотографирани заедно со танзанискиот ловец, кој е идентификуван само како Клинтон.
Фотографиите цело време биле достапни онлајн, но почнаа да кружат по друштвените мрежи дури минатата недела, а луѓето повикаа на бојкот, а некои дури им се заканувале со смрт.
Дури и партнерската фирма на „Супер У“ ги осудила активностите на брачниот пар и навела дека тоа однесување е „спротивно на вредностите за кои тие се залагаат“.
„Ги осудуваме овие активности дури и ако се приватни“, навела компанијата.
Француските медиуми се обидувале да стапат во контакт со нив, но тие одбиле да дадат коментар.
Овој вид „забава“ на сафари е популарен во Африка, а за да се убие животно треба да се плати. Пакетите се движат од 17.000 долари по лице, а можат да растат до 43.000 долари. Поединечните убиства, на пример на бизон чинат 3.000 долари, хартбист, (еден вид говедо), 1200 долари, леопард 7.000 долари, нилски коњ 3.400 долари, а убиство на крокодил 3.800 долари, пишува Whatsnew2day.com.