На протестите во Минск уапсени 50 лица (ВИДЕО)

epa08755472 Protesters march during a rally to protest against the presidential election results in Minsk, Belarus, 18 October 2020. Opposition activists continue their protest actions, demanding new elections under international observation. EPA-EFE/STR

Десетици илјади луѓе се собраа денеска повторно на улиците во Минск, иако власта се закани дека против демонстрантите ќе употреби огнено оружје со боева муниција.

Локалните медиуми објавија дека на протестите учествуваат над 30.000 луѓе, а околу 50 демонстранти биле уапсени.

Се наведува дека сигналот за мобилна мрежа бил прекинат во некои делови од градот, а во близина на демонстрантите можеле да се слушнат звуци од експлозии на шок бомби.

Протести во Белорусија се одржуваат уште од претседателските избори на 9 август, кога, според официјалните податоци, победи долгогодишниот лидер Александар Лукашенко. Опозицијата тврди дека на изборите е извршен фалсификат и бара оставка од Лукашенко и нови избори.

Полицијата досега има уапсено над 13.000 демонстранти, вклучувајќи и опозициски лидери кои не ја напуштиле земјата.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот