На повидок скандал на Мундијалот: Словенците биле отруени пред натпреварот со домаќинот Египет?
Селекцијата на Словенија не успеа да обезбеди пласман во четвртфиналето на Светското првенство во Египет откако во последното коло од главната фаза одигра само 25:25 против домаќинот.
Ремито ги однесе „фараоните“ во четвртфиналето, бидејќи на Словенија и беше потребна само победа.
Но, словенечките ракометари тврдат дека имало матни игри од страна на организаторот на Мундијалот бидејќи дури осум ракометари ги зафатила вироза. Тие исто така се жалеа и на критериумот на судењето на овој натпревар.
– Би кажал многу работи, но знам дека не можам, па затоа само ќе се гризнам за јазик. Дадовме се од себе, но не уништија нашите и туѓите глупости. Половина екипа ни беше во тоалет на денот на натпреварот, а и пред натпреварот. Тројца не можеа да играат, а цело време некој повраќаше – изјави капитенот на Словенија, Јуре Доленец.