НА ПОВИДОК НОВИ НЕМИРИ ВО ТИРАНА: Амбасадата на САД ги предупреди Американците на нов протест на опозицијата
Американската амбасада во Тирана ги предупреди своите државјани во Албанија на опозциониот протестен собир кој е закажан за утре во овој град.
Во однос на тоа дека не постојат најави за тоа како ќе се развива овој протест, амбасадата ги повика своите граѓани на внимание.
„Се очекува голем протест да биде одржан во близина на кабинетот на премиерот на 25 мај, со почеток од 19.00 часот. Групата има за цел да протестира против албанската влада и може да се пресели на различни локации во Тирана. Траењето на протестите не е познато. Неодамнешните демонстрации вклучуваа насилство, а силите на безбедност користеа водени топови и солзавец за да ги растераат масите“, пишува во соопштението на американската амбасада.
Пред два дена во Тирана е одржан протест на албанските студенти пред зградата на Министерството за образование, кој помина со зголемени тензии, а студентите ги кршеа прозорите на зградата на Министерството и фрлаа димни бомби.