Опуштено, спонтано, весело, разиграно, надополнето со розови балони, највкусни јаболчиња, карирани ќебенца и скопски шлагери – таква беше атмосферата на пикник промоцијата на првиот интерактивен водиц за метрополата „Здраво Скопје“.

„Здраво Скопје“ е посветен на едно незаборавно Скопје – од минатиот век до денес, со сите негови препознатливи локации, култни места и урбани легенди вредни за раскажување. Наменет и за млади и за стари, за носталгичари, туристи и истражувачи кои сакаат да го запознаат вистинскиот дух на Скопје.
Книгата е дело на авторското дуо Кокидо, зад кое се потпишуваат Александра Шаровиќ-
Атанасовска, автор на наградуваниот концепт ПланУМ, и Ружица Мандичевска-Руки, една од
најзначајните македонски илустраторки.

Главната идеја за овој проект произлегува од отсуството на пишан материјал за богатата историја
на градот, особено за деца. Преку овој водиц младите генерации, на забавен и креативен
начин, ќе го запознаат Скопје и ќе научат зошто е град што се сака.