Најдобрата светска гимнастичарка Симон Бајлс од САД, по повлекувањето во екипниот повеќебој, денеска се повлече и од финалето во поединечна конкуренција во повеќебој на Игрите во Токио. Причина за откажувањето не е повреда, туку менталното здравје.

„По дополнителните лекарски прегледи, Симон Бајлс се повлече од финалето во повеќебој на Олимписките игри во Токио, за да се фокусира на нејзиното ментално здравје. Со цело срце ја поддржуваме нејзината одлука и ѝ честитаме на одлуката. Нејзината храбра одлука покажува зошто е пример и идол на младите“, стои во сопштението на американската репрезентација во гимнастика.

After further medical evaluation, Simone Biles has withdrawn from the final individual all-around competition. We wholeheartedly support Simone’s decision and applaud her bravery in prioritizing her well-being. Her courage shows, yet again, why she is a role model for so many. pic.twitter.com/6ILdtSQF7o

— USA Gymnastics (@USAGym) July 28, 2021

Претходно, Бајлс во вторникот по лошо одработената прв вежба се повлече од екипното натпреварување во повеќебој.
„Секојдневно ќе се проценува нејзината состојба за да можеме да одлучиме дали Симон ќе учествува во финалето во поединечна конкуреција наредната недела“, се наведува во соопштението.
На местото на Бајлс која требаше да ја брани титулата во повеќебој, ќе се натреварува Џејд Кери.