Екс-репрезентативецот на Црна Гора, Мирко Вучиниќ се соочува со проблеми во Италија.

Вучиниќ се обвинува за затајување на данок, медиумите пишуваат дека станува збор за сума од 13 милиони евра во период од 2014 до 2017 година, сума која Вучиниќ не ја пријавил на надлежните.

Италијанското обвинителство за ова дело бара казна затвор во времетраење од четири години. Но, нејасно е зошто Италијанците го гонат Вучиниќ за период во кој тој не играше во Италија. Во споменатиот период Вучиниќ го носеше дресот на Ал Џазира во Обединетите Арапски Емирати.

Evasione fiscale, chiesti 4 anni di carcere per Mirko Vucinic. Sentenza a ottobre https://t.co/T7nv8oNGEf

— Quotidiano di Puglia (@Quoti_Puglia) September 21, 2023

Токму ова е најголемиот адут на одбраната на фудбалерот, одлуката за случајот би требало да биде донесена на 19. октомври.

Мирко Вучиниќ е големо фудбалско име во Италија бидејќи во најсилната италијанска конкуренција собра 466 настапи, постигна 155 гола и запиша 70 асистенции играјќи за Лече, Јувентус и Рома.