НА МЕНХЕТН „МУ СЕ СТЕМНИ“: Дефект поради пожар го остави центарот на Њујорк без струја - Слободен печат
ВестиПланета

НА МЕНХЕТН „МУ СЕ СТЕМНИ“: Дефект поради пожар го остави центарот на Њујорк без струја

Агенциите велат дека не се пријавени смртни случаи или повреди за време на прекинот со снабдување со електричната енергија, што, според официјалните лица, се случил во 18:47 часот по локално време.

Повеќе од 70.000 лица остана неколку часа без струја на Менхетн поради дефект во електродистрибутивната мрежа.

Поради дефектот, подземната железница не работеше, а продавниците беа затворени.

Снемувањето струја се случи поради пожар што избувна на аголот на 64. Западна улица и Вест Енд.

Извршниот директор на електродистрибутивната компанија „Кон Едисон“, Џон Мекавој, изјави дека причината за прекинот во снабдувањето со електричната енергија не е јасна и додаде дека нема индиции дека мрежата е преоптоварена.

Агенциите велат дека не се пријавени смртни случаи или повреди за време на прекинот со снабдување со електричната енергија, што, според официјалните лица, се случил во 18:47 часот по локално време.

Гувернерот на државата Њујорк, Ендру Куомо, рече дека прекинот во снабдувањето од такви пропорции е опасен и не смее да се случи во град како Њујорк.

Градоначалникот на Њујорк, Бил Дебласио, кој за време на прекинот беше во Ајова во рамки на кампањата за претседателска номинација на Демократската партија, рече дека разговарал со официјални лица задолжени за антитероризам и дека тоа едноставно било механички дефект.

Овој прекин на електричната енергија се случи на 42-годишнината од сличен настан, кога дојде до грабежи и протести на улиците на најнаселениот американски град.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close