Во Кипар регистрирани 4 нови случаи заразени со корона вирус, објави денеска тамошното Министерството за здравство со што сега вкупниот број на заразени, изнесува 14.

Според официјалните податоци, тројца од потврдените случаи се вратиле од Грција, двајца од Италија, четворица од Велика Британија, еден од Германија, за две лица има потврда дека биле во контакт со заразени лица, а за двајца нема конкретни информации како се инфицирале со Ковид-19.

Претседателот на Кипар Никос Анастасиадис, преку неговиот „Твитер” профил, утрово соопшти дека имал телефонски разговор со лидерот на кипарските Турци, Мустафа Акинџи и станало збор за ситуацијата со коронавирусот на Кипар и се договориле дополнително да се зајакне меѓусебното информирање.